Inflacioni u rrit sërish gjatë korrikut, duke qëndruar brënda objektivit të Bankës së Shqipërisë. Sipas të dhënave të Institutit të Statistikave, inflacioni shenoi 1.9%, nga 1.2% që kishte qenë në muajin qershor.
Rritja i detyrohet kryesisht rritjes së çmimit të ushqimeve, që kontribuoi me rreth 85% të vlerës totale të inflacionit regjistruar muajin e kaluar. Inflacioni i grupit “ushqime dhe pije joalkoolike” arriti në 4.3%, nga 2.7% që kishte qenë në qershor.
Rritja ka ardhur sidomos për shkak të shtrenjtimit të produkteve të freskëta bujqësore. Brenda grupit të ushqimeve, çmimet e nëngrupit “fruta” u rritën me 18.2 %, pasuar nga nëngrupet “zarzavate përfshirë patatet“ me 14.3 %.
Çmimet e këtyre produkteve vijojnë të kenë luhatshmëri të lartë, duke qenë përcaktuese në ecurinë e inflacionit.
Niveli i inflacionit tregon se kërkesa e brendshme në ekonomi po rritet dhe Banka e Shqipërisë parashikon që inflacioni të shenoje rritje e dhe per periudhen ne vijim
