Tre ushtarë shqiptarë pjesë e misionit të KFOR-it në Kosovë janë infektuar me COVID-19.
Eugena Tomini nga Instituti i Shëndetit Publik njoftoi sot se tre ushtarët e prekur janë raste të importuara nga Kosova dhe aktualisht ndodhen në spitalin Infektiv të shtruar.
Gjendja e tyre mësohet se nuk është e rëndë, por kanë nevojë për hospitalizim.
“Ju informojmë se, në shërbimin infektiv aktualisht janë 27 të shtruar. 6 pacientë janë në terapi intensive. Në totalin e të shtruarve në spitalin infektiv, ndodhen edhe 3 raste të importuara COVID19, ushtarë shqiptarë të KFOR të ardhur nga Kosova. Në spitalin COVID 2 “Shefqet Ndroqi”, janë 6 pacientë të shtruar. 2 pacientë janë në terapi intensive në gjendje më të rënduar. Në dy spitalet COVID aktualisht po marrin shërbim 33 pacientë. Mes 27 pacientëve tek Infektivi edhe 3 ushtarë shqiptarë të KFOR të ardhur nga Kosova.”, tha Tomini.
Deri në këto momente janë testuar 8028 raste të dyshuara dhe prej tyre janë të konfirmuar pozitivë me COVID-19, 766 raste në total.
Gjatë 24 orëve të fundit, 24 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 455.
g.kosovari
