Industria kineze e automjeteve me energji të re (Nev) ka hyrë në një fazë të re të zhvillimit të përshpejtuar me përmirësim të vazhdueshëm të zinxhirit industrial, siç raportohet nga Ministria e Industrisë dhe Teknologjisë së Informacionit, citon “Xinhua”.
Prodhimi dhe shitja e automjeteve NEV në Kinë u rrit 160% nga viti i kaluar, duke arritur në më shumë se 3.5 milionë njësi vitin e kaluar, sipas shifrave të publikuara nga ministria. Përmirësimi i infrastrukturës mbështetëse ka zgjeruar më tej tregun Nev. Deri në fund të vitit 2021, Kina kishte ndërtuar 75.000 baza karikimi, 2.62 milionë stacione karikimi dhe 1298 stacione të ndërrimit të baterive.
Rreth 173 kompani ngritën 10.127 pika shërbimi riciklimi në mbarë vendin në fund të vitit të kaluar, duke ngritur kështu sistemin e parë të riciklimit dhe përdorimit të baterive. Ndikimi i mungesës së çipave u lehtësua në vitin 2021 falë përpjekjeve të përbashkëta të qeverive në të gjitha nivelet dhe kompanive të automobilave dhe çipave, shpjegoi Luo Junjie, zyrtar i ministrisë.
Ndërsa zinxhiri global i furnizimit me qark të integruar ende përballet me sfida të mëdha, ministria njoftoi se do të vazhdojë të intensifikojë përpjekjet për të siguruar furnizimin e çipave të automobilave dhe për të promovuar kapacitetin e furnizimit të të gjithë zinxhirit industrial
/b.h
