Një indian me pasaportë amerikane, i identikfikuar si Najebul Hasan, është gjendur i pajetë në banesën e tij në fshatin turistik të Tushemishtit në Pogradec.
Sipas “Ora news’, viktima është transportuar në morgun e Pogradecit, ndërsa më pas do të transportohet drejt Tiranës për t’iu nënshtruar autopsisë mjeko-ligjore.
Në trupin e viktimës nuk janë vënë re shenja dhune, ndërsa dyshohet të ketë ndërruar jetë për shkaqe shëndetësore.
Policia e Pogradecit ka gjetur në banesën e viktimës lëndë narkotike hashash të vendosura në vazot e luleve.
Dyshohet se viktima e kultivonte lëndën narkotike si formë për të luftuar një sëmundje nga e cila vuante.
/a.r
