Shqipëria renditet në vendin e 30-të në botë, ndër 129 ekonomi të zhvilluara apo në tranzicion, në Indeksin e Transformimit BTI 2018 që analizon dhe vlerëson cilësinë e demokracisë, ekonomisë së tregut dhe menaxhimit politik të një vendi, duke marrë parasysh rrugëtimin e shtetit në fjalë drejt më të mirës.
Në indeksin e kaluar, atë të vitit 2016, vendi ynë renditej i 33-ti në botë, ndër 130 ekonomi. Shqipëria renditet në pozita të favorshme, ndërkohë që, në rajon lë pas Kosovën, Bosnje Hercegovinën dhe Maqedoninë. Serbia dhe Mali i Zi duket se kanë një performancë lehtë më të mirë.
Në nën-indikatorin e demokracisë dhe atë të ekonomisë së tregut, Shqipëria renditet e 34-ta në botë, ndërkohë që në atë të qeverisjes renditet e 24-ta. Por, pavarësisht renditjes, Shqipëria merr pikët më të ulta pikërisht në drejtim të qeverisjes, vetëm 6.02 pikë. Me një pikëzim nga 1-10,Shqipëria merr pikët maksimale në drejtim të pranisë së shtetit, 9 pikë dhe në drejtim të organizimit të tregut, 8.3 të tilla./scan
ma.me
