Në Aeroportin Ndërkombëtar “Nënë Tereza” u zhvillua ceremonia inauguruese e fluturimit të parë Tiranë-Toronto, që lidh për herë të parë drejtpërdrejt Shqipërinë me Kanadanë.
Në aktivitet mori pjesë kryeministri Edi Rama, i cili e ka cilësuar këtë linjë si një tjetër urë lidhëse mes Shqipërisë dhe Kanadasë, që afron më shumë qytetarët, bizneset dhe komunitetin shqiptar përtej Atlantikut.
Fluturimi do të operohet nga kompania ajrore kanadeze Air Transat. Do të zgjasë rreth 10 orë, me ndalesë në aeroportin Pearson të Torontos dhe do të operohet një herë në javë me avion Airbus A330.
Ambasadorja e Kanadasë në Shqipëri, Elissa Goldberg, përshëndeti vendosjen e fluturimeve direkte mes dy vendeve, duke theksuar se kjo lidhje është më shumë se një ofertë e re ajrore dhe krijon mundësi të reja për forcimin e marrëdhënieve mes Kanadasë dhe Shqipërisë.
Edhe ministri i Turizmit, Blendi Gonxhja, e cilësoi këtë një moment të rëndësishëm për vendin.
“Sot është një moment historik jo vetëm për aviacionin civil, por edhe për turizmin mbarëshqiptar. Hapim një urë të re lidhëse mes Shqipërisë dhe Amerikës së Veriut dhe një hap më tej i strategjisë sonë për ta bërë Shqipërinë më të aksesueshme”, tha Gonxhja.
Jo vetem lehtesim per udhetaret e dy vendeve, por edhe nje mundesi ,ne kohe, ne vlere, ne komunikim te shpejte, ne mardhenie reciprocal dhe nje nxitje per te udhetuar komod, pa ndalesa dhe peripeci.Shume faleminderit te dy qeverive. Meritoni respekt.