Kryeministri Rama ka mbajtur një fjalë përshëndetëse në inaugurimin e godinës së Bankës së Shqipërisë.
“Impakti i të bukurës dhe mjedisit në sjelljen dhe produktivitetin e njerëzve është i rëndësishëm.
Ambienti me kushte optimale ndihmon në zgjidhje më të shpejta.
Mjedisi kushtëzon sjellet dhe ndërveprimet e njeriut.
Ky investim nuk është luks i tepërt, por në kohën dhe vendin e duhur për t’i dhënë BSH atë që i takon.
Jam i kënaqur dhe krenar që kam qenë pjesë e kësaj nisme, pasi si kryebashkiak kam mikpritur Fullanin kur nisi ky projekt.
Ka qenë fat për mua që të jem pjesë edhe e projektit në vazhdim për Hotel Dajtin, në një tjetër pjesë të BSH.
Jam i bindur që BSH meriton konsideratën më të lartë për të gjithë punën që kryhet, institucioni ka luajtur një rol delikat dhe të rëndësishëm në momente jo të lehta për vendin”tha Rama.
Në fund Rama falenderoi të gjithë ata që dhanë kontributin e tyre në realizimin e këtij projekti “nga ata që e nisën dhe deri te ata që e përfunduan” e mbylli ai.
