Dikur kanë qenë shokë të ngushtë. Bashkë në luftë e bashkë edhe në parti. Njëri ishte kryeministër e tjetri ministër në të njëjtën Qeveri.Kështu ishin dikur raportet mese presidentit aktual Hashim Thaçi dhe Fatmir Limajt – zëvendëskryeministër në Qeverinë ‘Haradinaj’.
Mirëpo viteve të fundit mes tyre janë ftohur fort raportet, e kjo ka bërë që as të mos ia zgjasin dorën njërit – tjetrit.
Limaj dhe Thaçi kanë qenë afër njëri-tjetrit në pritjen e fundvitit të organizuar nga kryeministri Haradinaj, por nuk kanë folur ndërmjet vete.
Derisa Thaçi ishte duke folur me kryeprokurorin e shtetit Aleksandër Lumezi dhe me shpinë kthyer nga Limaj, i cili erdhi drejt tyre. Por, Thaçi u largua pa ia shtrirë dorën mikut të tij të dikurshëm.
Fatmir Limaj për një kohë të gjatë ka qenë pjesë e PDK-së me pozita të rëndësishme. Pas ndarjes nga PDK së bashku me një grup njerëzish kanë themeluar Nismën për Kosovën, përgatiti Express. (b.an)
