Ekrem İmamoglu, kandidati i Partisë Republikane Popullore (CHP) për kryebashkiak të Stambollit është shpallur fitues i zgjedhjeve lokale që u mbajtën muajin e kaluar.
Ai ka marrë certifikatën që i jep mandatin për të ushtruar detyrën në pesë vitet e ardhshme, njoftoi kreu i grupit parlamentar të partisë, Englin Altay, raporton Anadolu Agency (AA).
Duke folur pra gazetarëve në ndërtesën e Bashkisë së Stambollit, İmamoglu tha se mori mandatin në emër të 16 milionë banorëve të Stambollit.
“I dimë nevojat e këtij qyteti. I dimë nevojat e secilit në këtë qytet dhe do të fillojmë shërbimet menjëherë dhe në mënyrë të shpejtë”, shtoi ai.
Por edhe pse Aleanca Nacionale nga Partia Popullore Republikane ka fituar zgjedhjet me rezultat 48.79% kundrejt 48.51% të votava të marra nga Partia e Erdoganit AK Parti, duket se këta të fundit nuk do të bien dakort për humbjen e Stambollit. Ky qytete njihet si bastioni i Presidentit turk, Rexhep Tajip Erdogan dhe partia e tij po kërkon me këmbëngulje zgjedhje të reja në Stamboll.
Duke pretenduar “parregullsi të organizuara”, partia AKP ka kundërshtuar rezultatet e zgjedhjeve të 31 marsit.
“Ka një parregullsi të qartë dhe të organizuar gjithastu edhe mashtrim në zgjedhje”, tha nënkryetari i AKP Ali İhsan Yavuz.
“Ekziston vetëm një organ për të pastruar pyetjet, është Këshilli i Lartë i Zgjedhjeve, vendimet e tyre janë të detyrueshme për të gjithë ne.” ka shtuar më pas ai.
g.kosovari
