E kemi shumë të lehtë të shohim fotot para dhe pas ndryshimit të personazheve të njohura publike. Por e mendoni pak, sesa të vështirë e kanë pasur ata për të arritur peshën normale të trupit. Ashtu si në showbiz-in e huaj, edhe në Shqipëri apo Kosovë, ka shumë histori frymëzimi të figurave të njohura të televizionit dhe mënyrës sesi kanë arritur të dobësohen. Ne po ju sjellim disa prej tyre, ato më interesantet dhe më të bujshme:
Sara Hoxha
Sara Hoxha, trashëgimtarja e Top Channel, bëri një transformim rrënjësor rreth dy vite më parë. Ajo ka pranuar që ka bërë një ndërhyrje për të arritur trupin që aktualisht ka. Sara iu nënshtrua një ndërhyrje në stomak ose siç quhet ndryshe Gastric Bypass, falë të cilit arriti të humbasë rreth 60 kilogramë. Ajo është shprehur se këtë gjë nuk ua rekomandon miqve të saj, që e pyesin “Si ia dole”.
“Nuk jam askush që të jap këshilla, për sa kohë që nuk munda të humbas peshë në mënyrë të shëndetshme”, ka thënë Sara.
Linda Halimi
Historia e saj është një nga më frymëzueset. Këngëtarja shqiptare rrëzoi plot 50 kilogramë falë stërvitjes së rregullt dhe kujdesit me ushqimin. Ajo madje doli në revistën People, si një frymëzim për të gjithë ata që duan të dobësohen, ku dhe zbuloi dietën ushqimore që e ndihmoi të rrëzonte 50 kilogramë. Kështu, për hidratim, Linda konsumon rreth 1.41 litër ujë në ditë. Linda thotë ndër të tjera se ajo nuk ushqehet me karbohidrate pas orës 5 të pasdites, por gjatë ditës, para se të bëjë palestër ose të ngjitet në skenë, ha makarona ose rizoto (oriz). Ndërkohë që ka 5 vite pa ngrënë një copë pizza. Nëse do të dini se si janë vaktet e saj, ja ku i keni:
Mëngjes: 3 vezë të skuqura me një filxhan me kërpudha të pjekura në skarë, qepë dhe speca. 1 gotë lëng portokalli.
Dreka: 1 vezë të skuqur me një filxhan oriz të mbushur me kërpudha të skarës, qepë dhe speca. Ushqim të shpejtë (Snack): 1 filxhan me mix manaferrash, çaj mente ose çaj jeshil.
Darka: Smoothie me qumësht bajamesh, manaferrash ose ananasi.
Pas darke: 1 tas me 60 ml kos dhe mix manaferrash./TO/a.m.
