Ai vlerësohej nga Presidenca dhe lojtarët e klubit të Tiranës dhe admirohej nga tifozët bardheblu, por këto nuk kanë mjaftuar. Teknik Ilir Daja ka dhënë dorëheqjen nga drejtimi i skuadrës më të titulluar në vend.
Me mbylljen e kampionatit të superiores, Daja bënë të ditur se nuk do të jetë më në pankinën e bardhebluve. Sipas tij, dështimi objektivit “Europa Ligë” është standardi me të cilën vlerëson punën e tij. Daja nuk e nisi punën e tij tek Tirana, që prej fillimit të sezonit, por në fund të nëntorit dhe në tre faza ai nuk arriti objektivin e paracaktuar. Lajmi u bë me dije përmes një deklarate për shtyp, ku Daja rreshtoi dhe shqetësimet dhe vlerësimet e tij për klubin e Tiranës. (javanews.al / r.a)
