VLORË- Inspektoriati Kombëtar për Mbrojtjen e Territorit, ka nisur një aksion mëngjesin e sotëm për prishjen e 7 godinave të ndërtuara pa leje në vijën bregdetare të Jalës. Banorët kundërshtojnë prishjen e banesave të tyre. Ata thonë se nuk janë njoftuar për këtë aksionin.
Disa nga banorët që kanë dalë kundër këtij aksioni janë përplasur me policinë dhe kanë thënë se po tentohet që të nxirren me dhunë nga shtëpitë e tyre.
Banorët thonë se nuk janë paralajmëruar për nisjen e shembjeve sot dhe për më keq, dhomat e dhënë me qera i kanë ende me pushues.
“Nuk jemi njoftuar, duan të na nxjerrin me dhunë. O kriminela, jemi shqiptarë more, jemi shqiptarë. Vini këtu të armatosur. Grup i armatosur kriminal, veproni pa urdhër njësoj si grup kriminal. E kemi paguar me jetë more. O kriminelë, ku i keni. O kriminelë!”-janë shprehur banorët./a.ç
