Duke e quajtur të dyshimtë dhe me ndikim politik vendimin e Kolegjit Zgjedhor për lënien në fuqi të vendimit të KQZsë, për heqjen e anëtarit të PDIU-së dhe kalimin e tij drejt PR-së, Shpëtim Idrizi sulmoi kryetaren e komisionit më të lartë të administrimit zgjedhor.
Sipas Idrizit, “6 votime me gjithë Luzen e Portokallisë së KQZsë nuk e kuptuan”, se çfarë po bënin në vendimmarrjen e tyre.
Në takimin elektoral të zhvilluar në Fier, Shpëtim Idrizi theksoi se forca politike që drejton, iu bashkua koalicionit të majtë jo për përfitime personale.
Ai tha se Qeveria në disa vendime të saj ka ndërmarrë hapa para për ato çështje që PDIU i konsideron të rëndësishme për elektoratin që përfaqëson, duke vënë theksin tek çështja e ‘Detit’ me Greqinë, çështja çame, reforma në
pensione etj.
