Kreu i PDIU-së, Shpëtim Idrizi i cilëson të mira marrëdhëniet brenda koalicionit qeverisës, duke theksuar se PDIU është e hapur për çdo karrige ministrore.
Në një intervistë në News24, Idrizi tha se për PDIU-në është e mirëpritur Ministria e Diasporës.
Duke u ndalur në reformën zgjedhore, Idrizi tha se PDIU kërkon anëtar në komisionin e Reformës. Ai u shpreh dakord me propozimin e kryetarit të LSI-së për lista të hapura kandidatësh në zgjedhje, ndërsa sipas tij “Primi” në zgjedhje është i dëmshëm, jo serioz dhe do të shkaktojë trazim ujërash.
“PDIU kërkon anëtar në komisionin e reformës zgjedhore, duam anëtarin e 5-të në komision. Standardi i zgjedhjeve, përgjegjësi e PS dhe PD.”- tha Idrizi.
Lidhur me reformën në drejtësi, Idrizi tha se PDIU i ka dorëzuar vërejtjet e saj në Komisionin e Venecias.
“Emërimi i zyrtarëve në drejtësi me 3/5-at. Pas 3 raundesh presidenti të zgjidhet nga populli. Të thjeshtohen procedurat për kryerjen e referendumit. Zyrtarët e drejtësisë, të kenë figurë të pastër.”- deklaroi Idrizi.
BW
