I ftuar në rubrikën ‘Opinion’ në ‘News24’ kreu i Partisë Drejtësi Integrim dhe Unitet, Shpëtim Idrizi ka komentuar fushatën elektorale dhe marrëveshjen e 18 majit Rama-Basha. Idrizi tha se kjo fushatë është e veçantë për nga mënyra si rrodhën ngjarjet.
“Kjo fushatë ka shumë të veçanta dhe për shkak të mënyrës si rrodhën ngjarjet për shkak edhe të opozitës që rrezikoi të mos futej në zgjedhje. Dukej sikur kjo krizë u përsërit sërish pas 4 vitesh. PDIU propozoi pakt kombëtar dhe fatmirësisht u gjet një konsensus, i cili për nga pikëpamja e futjes së PD në zgjedhje ishte një ogur i mirë për shqiptarët”- tha Idrizi.Shpëtim Idrizi tha se ka qenë kërkesë e PDIU për të garuar më vete në zgjedhje, pasi në këtë mënyrë provohet vetja në korsinë e gjithsecilit. Ai tha se nuk u bë as numërimi elektronik dhe as reforma zgjedhore.
“Besoj se është një nga rastet unikale që kemi një qeveri kombinacioni në muajin e fushatës. Ka qenë një kërkesë e PDIU që të garonim më vete. Nuk u bë as numërimi elektronik dhe as reforma zgjedhore. Po gjithsesi u arrit gjeja e mirë që të gjitha palët të shkojnë në zgjedhje. Një rast i mirë për të provuar veten në korsinë e vet”- tha kreu i PDIU./a.m.
