Duket se këtë herë e ka tepruar vërtetë. I nominuari për kryeministër nga Koalicioni PAN (PDK AAK Nisma), Ramush Haradinaj, përmes një postimi në Facebook, pas vizitës në KEK ka thënë se “me rezervat më të mëdha të thëngjillit në Evropë, Kosovën do ta shndërrojmë në fuqi energjetike të rajonit”.
Më poshtë, postimi i Haradinajt:
Kosova është e bekuar me burime të panumërta natyrore, të cilat do të shfrytëzohen për ta përmirësuar standardin e jetesës së qytetarëve.
Me rezervat më të mëdha të thëngjillit në Evropë, Kosovën do ta shndërrojmë në fuqi energjetike të rajonit. Kushtet e punës në KEK, kualiteti jetësor dhe standardi i punonjësve e i familjeve të tyre do të përmirësohen dukshëm në krahasim me të tashmen.
Do të garantojmë që për të gjitha burimet që eksploatohen të sigurohet mbrojtja e qëndrueshme e mjedisit. (b.an)
