Kryetari i PDIU, Shpëtim Idrizi, mori pjesë sot në ceremoninë për përzgjedhjen e kryetarit të ri të shoqatës ‘Çamëria’. Në fjalën e tij, Idrizi u shpreh se, çështja çame sot më shumë se kurrë është e përfaqësuar në parlament, por zgjidhja e saj mbetet politike.
“Çamëria plotëson hartën e kombit shqiptar. Unë e di shumë mirë se ky rrugëtim nuk ka qenë i lehtë. Sot kemi grup parlamentar, kemi media, kemi hapësira, por unë e di sesa e vështirë ka qenë në vitet e para të gjeje një shkrim për Çamërinë. Ndaj unë vlerësoj sot burra dhe gra që për 25 vjet kanë përcaktuar e kanë mbajtur gjallë rrugën e cështjes çame. Nder e lavdi atyre që kanë punuar për 25 vjet cështjen çame”, tha Idrizi.
Sipas tij, çështja çame zgjidhet vetëm më rrugë politike duke angazhuar parlamentin. “Kjo nuk është çështje juridike, por është politik, pasi ka filluar si politikë e qartë e shtetit grek, për ta asimiluar, për ta shpërngulur, që sot mbush 103 vjet duke nisur nga viti 1913. Një politikë e qartë e cila ka kërkuar dhe ka pasur momentet e veta shumë të dhimbshme, duke filluar nga masakra e parë ku u vranë krerët e Çamërisë, me shpërnguljen e deri duke arritur me momentin me kulmor, më tragjik nga ana njerëzore, për masakrën në 1944 ku përfundimisht politika greke me strategji të qartë deportoi 90% të popullsisë duke vrarë 20% e duke sekuestruar tërë pronat. Ndaj cështja çame është politike e zgjidhet me rrugë diplomatike”, theksoi Idrizi.
Sot cështja çame flitet më shumë se kurrë në parlament, kemi një pr/rezolutë dhe nuk do të reshitm së luftuari për të”, u shpreh Idrizi.
