Zlatan Ibrahimoviç është i gatshëm të qëndrojë te Manchester Unitedi edhe sezonin e ardhshëm, por me rritje të pagës.
Mediat britanike shkruajnë se sulmuesi suedez është i gatshëm të mbetet te ‘Djajtë e Kuq’ edhe në edicionin e ardhshëm, por me një rritje të pagës (300 mijë euro në javë), aq sa marrin Wayne Rooney e Paul Pogba, transmeton kp.
35 vjeçari, i cili është i lidhur me transferimin në Amerikë dhe Kinë, aktualisht përfiton 260 mijë euro në javë, por ish-ylli i Barcelonës, AC Milan e PSG-së për të qëndruar në ‘Old Trafford’, kërkon që paga e tij të jetë e njëjtë më sulmuesin anglez dhe francezin.
Ibra është duke shkëlqyer në sezonin e tij të parë në Premier League. Ai ka deri tash ka shënuar 26 gola dhe konsiderohet një nga lojtarët më të rëndësishme tek skuadra e Jose Mourinhos. (b.an)
