Presidenti Nishani ka dekretuar sot katër ministrat e rinj të qeverisë Rama, duke shmangur kështu një krizë institucionale, por deklaroi se kandidatura e Fatmir Xhafajt është e papërshtashme për t’u emëruar ministër i brëndshëm dhe nëse do kishte të drejta kushtetuese nuk do e kishte dekretuar si ministër.
Nishani deklaroi se
“Mendoj se kandidatura e Xhafajt është e papërshtatshme, por kushtetuta nuk më jep të drejtën të rëfuzoj mandatimin e ministrave. Nesë do kisha të drejtë kushtetuese, do e refuzoja kandidaturën e ministrit të brëndshëm”, deklaroi Nishani.
Presidenti ia kaloi parlamentit përgjegjësinë për të miratuar apo jo dekretimin për emërimin e ministrit të Brendshëm. Për këto dy institucione presidenti ka një porosi publike.
“Prioriteti i parë që duhet të kërkojë Parlamenti nga qeveria dhe Ministria është depolitizimi i policisë për të nisur pastaj luftën e suksesshme ndaj fenomeneve që mund të kërcënojnë procesin zgjedhor”, u shpreh Nishani.
Presidenti deklaroi se jemi në një situatë të tensionuar politike dhe bëri thirrje për dialog.
“Ajo që unë do t’i bëja thirrje të gjithë aktorëve politikë është të gjejnë gjuhën e përbashkët dhe për të mos e kaluar vendin në një situatë krize politike”, theksoi Nishani.
Pjesë nga fjala e Nishanit
“Jemi në situatë të tensionuar politike. Opozita ndodhet jashtë parlamentit në protestë publikë. Polarizimi i shoqërisë është mjaft i theksuar. Jemi ëdhë në prag të fushatës, situata e tensionuar politike nuk e ndihmon procesin e fushatës. Opozita e vendit kërkesë për zgjedhje të lira. Në kontekst të kësaj situate politike, përbërja e këshillit ministrave ka një specifikë të veçantë, sidomos tek ministria e brendshme.
Ka politizim të skajshëm të policisë së shtetit, e dëmton situatën parazgjedhore. Trafiku i kanabisit në përmasa shqetësuese, kërkon vëmendje më të lartë sidomos tek ministria e brenshme. MPB rol parësor për garantimin e zgjedhjeve. Disa çështje si blerja e votës dhe elementët kriminale në fushatë kërkojnë vëmendje të veçantë. Emërimi i Xhafajt, kemi në fokus specifikat e mëdha në MPB.
Kam ndjekur shqetësimet lidhur me kandidaturën në lidhje me Xhafajn. Ka dëshmi publike që e akuzojnë për dhunë dhe tortura gjatë objekteve hetimore dhe familjarëve të tyre.
Mendoj se kandidatura e Xhafajt është e papërshtatshme, por kushtetuta nuk më jep të drejtën të reuzoj mandatimin e ministrave. Nesë do kisha të drejtë kushtetuese, do e refuzoja kandidaturën e ministrit të brëndshëm. Prioriteti i parë që duhet të kërkojë Parlamenti nga qeveria dhe Ministria është depolitizimi i policisë për të nisur pastaj luftën e suksesshme ndaj fenomeneve që mund të kërcënojnë procesin zgjedhor. Ajo që unë do t’i bëja thirrje të gjithë aktorëve politikë është të gjejnë gjuhën e përbashkët dhe për të mos e kaluar vendin në një situatë krize politike”./a.ç
