Paris SG ka fituar titullin kampion tetë javë para përfundimit dhe tani dëshira e tifozëve është rinovimi i kontratës me Zlatan Ibrahimoviç.
Kontrata skadon në fund të sezonit, dhe Ibra ka thënë se ka ende kohë për të folur.
Megjithatë, ai premton të qëndrojë, nëse drejtuesit bëjnë diçka të madhe.
“Nuk besoj se do ta shkëmbenin Kullën Eiffel me statujën time, as njerëzit që kanë këtë klub. Por, nëse e bëjnë, do të qëndroj, ju premtoj”, tha Ibra me humor.
Po të kujtosh që Ibra më parë është shprehur se ai është Zoti apo se botërori kot që luhet pa të, ndoshta nuk ka qenë duke bërë vërtet shaka.
Menjëherë pas fjalëve të tij, kanë shpërthyer edhe fotomontazhet se si do të dukej Parisi me Kullën Ibrahimoviç në vend të legjendares Eiffel.
