Zlatan Ibrahimovic deklaroi tërheqjen nga kombëtarja e Suedisë fill pas përfundimit të Europianit të zhvilluar në Francë në 2016, por me zhvillimet e fundit duket se sulmuesi është i tunduar për t’u rikthyer.
Ibra, tani në moshën 37-vjeçare, në një intervistë të fundit ka deklaruar se ai do të jetë i gatshëm nëse kombëtarja e thërret. Kualifikimi i Suedisë për në Botërorin e Rusisë që nis në qershor ka tunduar shtatlartin i cili këto kohë është parë pranë drejtuesve.
“Më mungon kombëtarja, por nuk besoj se do të më thërrasin. Nëse duan që të kthehem do ta bëj”,-deklaroi Ibra për mediat skandinave.
Ibra numëron 116 prezenca në përfaqësuesen e Suedisë dhe 62 gola të shënuar dhe ka qenë për shumë kohë kapiteni simbol i kësaj skuadre. Pas largimit të tij nga përfaqësuesja, Suedia ka bërë një ngjitje të shpejtë dhe këtë më mirë e dinë italianët, që mbetën jashtë Botërorit.
a.ç
