Policia ka publikuar pamjet e arrestimit të grabitësve në Fier. Në video shihen të tre arrestimet, të cilët terrorizuan qytetin. Policia ka arrestuar të tre autorët: Zini Fyraj; Lulëzim Demiraj dhe Dashamir Gergali, të cilët ishin fshehur në fshatin Baltëz të Fierit. Nga pajmet duket se janë përfshirë një numër i madh forcash policie në këtë aksion, i cili në një kohë rekord solli dhe vënien në pranga të përgjegjësve.
Ngjarja ndodhi sot rreth orës 10:55 përballë gjimnazit “Janaq Kilica” në Fier, ku grabitësit me maska e armë morën paratë e një Exchange dhe plagosën pronarin e dyqanit Gëzim Hoxha dhe 53-vjeçarin Agur Vrenozi, pronar i godinës ku ndodhet pika e këmbimit valutor.
