Demokrati Indrit Hoxha deklaroi mbrëmjen e djeshme në emisionin ‘Të paekspozuarit’ se foltorja e Berishës nuk e përçan Partinë Demokratike dhe ashtu siç ai shprehet ikja e Bashës nuk i prish asnjë punë partisë, e kundërta ndodh nëse ikën Berisha.
“Foltorja e Berishës nuk e përçan PD. Ja kam thënë Bashës në sy. Baza e Partisë Demokratike ishte totalisht e zhgënjyer, aq i ulët ishte morali brenda PD. Nuk e di si do shkojë kjo deri në fund, por kam bindjen time se Basha do tërhiqet, dhe më parë se në 8 dhjetor PD vjen me kryetar të ri.
Demokratët kanë nevojë të flasin, të dëgjohen, të shprehen. Selia e PD nuk do pushtohet sepse nuk jemi talebanë, por Basha do iki. Largimi i Bashës si kryetar nuk i prish punë askujt, ndërsa ikja e Berishës i prish se ikën baza e PD. Basha duhet të hapi krahun.”, tha Hoxha.
