Një 41-vjeçar është arrestuar nga policia e Vlorës, pasi i ka vënë zjarrin një kullote në fshatin Dukat i Ri.
Kristo Kutelaj, në vendin e quajtur Fenge, ka djegur me qëllim kullotën e gjithë fshatit, rreth 4 hektarë tokë, duke dëmtuar edhe 50 rrënjë ulliri të vjetër.
Zjarri ka rrezikuar dy banesa që ndodheshin afër kullotës, por me ndërhyrjen e Policisë dhe të zjarrfikëses, nuk ka patur dëmtime të tjera.
Lidhur me këtë rast ka nisur procedim penal edhe për xhaxhain dhe djalin e 41-vjeçarit, të cilët kanë ndihmuar Kutelajn në këtë akt kriminal.
