Një ngjarje e pazakontë nga Japonia është rikthyer në vëmendjen e mediave pas një zhvillimi të rëndësishëm në një çështje të vjetër kriminale. Takaba Namiko, 32 vjeçe, u vra më 13 nëntor 1999 në apartamentin e saj në Nagoya, ndërsa pranë trupit u gjet i padëmtuar djali i saj dyvjeçar. Rasti mbeti i pazgjidhur për më shumë se dy dekada.
Bashkëshorti i saj, Takaba Satoru, vendosi të vazhdonte të paguante qiranë e apartamentit ku ndodhi krimi, me qëllim ruajtjen e skenës për analiza të mundshme në të ardhmen. Sipas mediave japoneze, ai shpenzoi rreth 22 milionë jen gjatë 20 viteve, ndërsa paralelisht shpërndau fletëpalosje dhe dha intervista për të mbajtur gjallë vëmendjen publike.
“E bëra që djali im të mos më pyeste një ditë pse nuk bëra gjithçka për të gjetur vrasësin e nënës së tij”, është shprehur Takaba Satoru.
Gjatë intervistës për mediat japoneze, ai tregonte me gëzim fotografitë e djalit të tij, i cili së fundmi ishte martuar me vajzën e një prej mikeshave më të ngushta të gruas së ndjerë. “Kushedi sa e lumtur do të ishte ajo!”, shprehet Takaba, duke menduar për gruan e tij të ndjerë.
