I rrahin të vëllanë, sulmuesi Cikalleshi sherr me policinë
Sikur të mos mjaftonte humbja ndaj Portugalisë dhe shtyllat, sulmuesi i kombëtares tonë Sokol Cikalleshi ka kaluar edhe një tjetër episod të pazakontë mbrëmë.
Ai është përplasur me policinë pasi uniformat blu kanë debatuar me vëllain e tij.
Gjithçka ka nisur kur vëllai i sulmuesit të Kombëtares ka dashur të hyjë në ambientet e stadiumit, me qëllim që të takonte Sokolin, por edhe pse është prezantuar policia nuk ka pranuar të hyjë brenda ambienteve. Dhe pas debatit, uniformat blu kanë vënë në përdorim edhe duart për të larguar vëllain e sulmuesit të kombëtares. Ndërkohë që pas pak minutash ka dalë nga stadiumi Cikalleshi, i cili është vënë në dijeni për incidentin e të vëllait me policët ka zhvilluar një debat verbal të ashpër me ta. Ndërkohë që sipas dëshmitarëve ka pasur edhe kontakte fizike mes lojtarit dhe forcave speciale, por pa kaluar në dhunë.
