I riu shpenzon mijëra dollarë që të ngjajë si Cristiano Ronaldo
Një 15-vjeçar, i quajtur Shanta, nga Danimarka ka shpenzuar me mijëra dollarë që t’i ngjajë idhullit të tij,Cristiano Ronaldo. I riu e justifikon maninë e tij për Ronaldon, duke deklaruar se po përpiqet që të jetë “vetvetja”, dhe që ylli i futbollit e shtyn që të ndjekë në jetë ëndrrat që ka. I riu ka ndërruar edhe mbiemrin e tij, duke e bërë Ronaldo. Shanta padyshim që është shumë i njohur nga lojtarët e klubit e stafit ku luan futbollisti dhe shpesh ata e lejojnë që të takojë idhullin e tij që të bëjë fotografi me Ronaldon dhe kolegët e tij. I riu ka krijuar edhe një faqe për fansat në Twitter dhe ndiqet nga më shumë se 14.500 persona.
Ai publikon aty të gjitha lajmet e fundit në lidhje me lojtarin. Shanta Ronaldo, nga Odense e Danimarkës, thotë:- “Obsesioni im për Ronaldon është i madh. Arsyeja se pse unë dua që të kem një jetë si i tija është se ai është i pasur, i famshëm dhe e jeton jetën e tij plotësisht”. I riu ka filluar që ta ndjekë lojtarin portugez që kur ky i fundit luante për Manchester United në vitin 2009; Shanta më vonë filloi tu kërkojë prindërve të holla, në mënyrë që ta ndjekë Ronaldon sa më shumë që të ishte e mundur. Djali e përsërit shpesh se do ta ndjekë Ronaldon kudo që ai shkon.
