Një person nga Roskoveci pas një sherri me dy persona, ka marrë armën dhe i ka kanosur me jetë.
Bushi Hatillari, 31 vjeç, banues në Roskovec, u vu në prangat e policisë.
Arrestimi i tij u bë pasi në vendin e quajtur “Kryqëzimi i Kurjanit” pas një konflikti për motive të dobëta ka kanosur me armë zjarri tip pistoletë shtetasit J.T., 27 vjeç, banues në Kurjan dhe D.H, 35 vjeç, banues në Vadhishtë.
Në cilësinë e provës materiale u bë sekuestrimi i armës së zjarrit tip pistoletë “Zastava” së bashku me krehërin e saj, 6 fishekë pistolete dhe një gëzhoje arme zjarri tip pistoletë.
Lidhur me këtë ngjarje hetimet janë në vijim, ndërkohë që materialet iu referuan Prokurorisë së Fierit, për veprat penale “Kanosja” dhe ‘Prodhimi dhe mbajtja pa leje e armëve dhe municionit luftarak”./a.m.
