Policia ka çuar në ndjekje penale vjehrrin dhe vjehrrën e 23-vjeçares nga fshati Togez i Librazhdit, pasi e dhunuan, e filmuan dhe videon e shpërndanë në rrjete sociale.
23-vjeçarja ka marrë urdhër të menjëhershëm mbrojtjeje, ndërsa disa herë ka qenë e strehuar tek Forumi i Gruas në Elbasan pasi ishte dhunuar.
Mësohet se vajza e re aktualisht ndodhet në spital në gjendje të rëndë psikologjike, por ka dhe dëmtime fizike pas dhunës që i është ushtruar, ndërsa policia tashmë e ka marrë në mbrojtje.
Bashkëshorti ishte emigrant në Londër dhe kjo ishte hera e dytë që familja e burrit e gjente nusen me të dashurin.
Sipas informacioneve, nusja e ka shtëpinë në emër të saj dhe nuk ikën. Ajo shprehet se vjehrri dhe vjehrra duhet të ikin, pasi kur janë martuar babai i saj i ka dhënë paratë për të ndërtuar shtëpinë.
Vajza ka shkuar tek shtëpia e prindërve në Gizavesh të Librazhdit.
Kujtojmë se videoja ku vjehrri, vjehrra dhe të tjerë gjejnë dhe dhunojnë të renë janë publikuar dhe bërë virale në rrjete sociale.
Ky rast i rëndë i shtohet listës së gjatë të ngjarjeve ku vajzat dhe gratë trajtohen si prona të burrave, pa të drejta dhe pa mbështetje, të cilat mund të diskriminohen, të dhunohen dhe më ekstremja, të vriten, ndërsa jetojmë në një vend të lirë.
Vendi ynë është përballur ndër vite me vrasje nga më ekstreme të grave dhe në shumicën e rasteve autorët ishin bashkëshortët e tyre./m.j
Por ama, edhe me burrë edhe me të dashur, e për më tepër në fshat e në tokë të burrit, sikur nuk shkon, apo jo ?
Kjo çupë, le të ndahet nga burri, mbasi nuk rri dot pa seks, dhe nuk i thotë gjë njeri. Por ama, të fusë të dashurin në shtëpi, ngjitur me vjehrrin e vjehrrën, e kjo për më tepër në një fshat të humbur të Librazhdit, është si të fillosh luftën e tretë botërore. Kjo paska qenë e pa moralshme fare, fare.
Nuk po dua të ndyj dorën, e të flas me fjalor jo të përshtatshëm, por kjo i dashka ca llafe të forta.