Një 26-vjeçar shqiptar i dyshuar për trafik droge është arrestuar nga karabinierët e Cesena në Itali, ndërsa tre pjesëtarë të grupit ishin ndaluar më herët.
Nga verifikimet rezultoi se i riu ishte i dënuar nga Gjykata e Forlit më parë po për këtë vepër.
Natën e 16 majit, efektivët hasën të kërkuarin duke lëvizur në zonë me një makinë të marrë me qira.
Gjatë kontrollit të menjëhershëm, karabinierët i gjetën në posedim edhe 22 gramë kokainë, të ndarë në doza, si dhe shumën prej 1320 eurosh, të ardhura nga aktiviteti i paligjshëm.
Kontrolli u zgjerua më pas në një hotel në Ravenna, ku i riu kishte qëndruar prej disa ditësh dhe rezultoi në gjetjen e 5760 eurove cash. Droga dhe paratë e gatshme u sekuestruan dhe u mbajtën në dispozicion të Zyrës së Prokurorit Publik të Forlit, informon media italiane.
I riu u arrestua dhe u mbajt në qelitë e paraburgimit të kazermave të Karabinierëve në Cesena, në pritje të seancës së vlefshmërisë. Seanca dëgjimore sot, (20 maj), u mbyll me vendimin e shpejtë të tij me 5 muaj burgim dhe konfiskimin e valutës së gjetur.
