I plagosuri Çali: Na vrau deputeti Prenga dhe policia
I plagosuri i ngjarjes së Laçit, Gjergji Çali, në një prononcim për Abcnews, deklaroi se “na vrau deputeti i zonës Armando Prenga. Ai sqaroi rrethanat e ngjarjes, ndërsa konfirmoi se ishte jashtë rrezikut për jetën.
Ai akuzoi deputetin Prenga se ka ardhur me armë me persona të tjerë dhe ka qëlluar me armë. Ndërkohë ai hodhi akuza edhe ndaj policisë, duke thënë se uniformat u blu u treguan të njëanshëm, duke mbajtur anën e deputetit.
Shtatë persona mbeten të plagosur pas një sherri mes familjes së deputetit Armando Prenga dhe familjes Çali në qytetin e Laçit. Mësohet nga burime ende te pakonfirmuara së në orët e mbrëmjës vëllai i deputetit Prenga, Valentin Prenga së bashku me disa të afërm kanë shkuar tek lokali i një prej të afërmeve të familjes Cali në Patok dhe aty janë konfliktuar verbalisht mes tyre. Më pas një anëtar i familjës Çali i përfshirë në sherr është nisur për tek komisariati për të bërë denoncim për familjen Prenga dhe aty është ndeshur me këta të fundit të cilët i kanë kërkuar që të mos bëjë denoncim në komisariatin e Laçit. Më pas sherri ka degraduar edhe në përdorimin e armëve dhe sendeve të forta nga ku konfirmohet zyrtarisht se 7 persona kanë mbetur të plagosur mes tyre edhe vëllai i deputetit Armando Prenga.
