Kryetari i Partisë së Lirisë, Ilir Meta, akuzoi kryeministrin Rama si një kleptoman që hajdutllëkun e ka sëmundje, pasi vjedh dhe gjëra që nuk i nevojiten.
Gjatë një takimi me strukturat e PL-së në Berat, Meta tha se Rama do dënohet sipas ligjeve të vendit për të gjitha firmat që ka hedhur për të vjedhur dhe grabitur shqiptarët.
Gjithashtu kreu i PL-së theskoi se në natyrën e tij kryeministri Rama e ka për kënaqësi kur të tjerët vuajnë, ndaj ftoi përfaqësuesit e Partisë së Lirisë të rrisin iniciativën denoncuese dhe të prijnë urinë e jashtëzakonshme për të rikthyer llogaridhënien në nivel lokal.
“Nuk do bëjmë ligje speciale për Edi Ramën, do ta dënojmë me firmat e tij, nuk do të vëme njeri të falsifikojë as firmën, siç bën ai.
Të gjitha përrallat do heq Saliun dhe do heq Ilirin, i bën vetëm tu jap zemër bedelave të tij që të firmosin dhe të vjedhë sa më shumë.
Është kleptoman, kleptomani vjedh dhe një gjë që si duhet, e ka sëmundje. E ka për kënaqësi kur të tjerët vuajnë, kur vrasin veten për një faturë energjie. Ndaj në këto momente historike ju ftoj të shndërroheni në misionarë të së vërtetës. Duhet në bashkinë e Beratit përditë të jeni në investigim të korrupsionit që ndodh në bashki.
Këtë punë të bëjnë të gjithë përfaësuesit e Partisë së Lirisë. Ju e kuptoni se çfarë ndodh në të gjitha bashkitë e Shqipërisë ku nuk ka asnjë këshilltar opozitar. Kjo na vë përpara përgjegjësisë për të qenë më aktivë dhe për të patur iniciativë denoncuese.
Zgjedhjet vendore do të bëhen në kohën e tyre dhe ka një uri të jashtëzakonshme për të rivvendosur llogaridhënien në nivel vendor. U bënë 60 bashki atëheRë me qëllim që do zvogëlojmë administratën dhe do rrisim shërbimet. Numri i administratës sot është mijëra e mijëra më shumë,vetëm për funksion elektoral”, tha Meta./m.j
