Një grua në Elbasan ka pësuar momente frike dhe dhune, pasi një burrë i ka dalë përpara dhe e ka dhunuar e ngacmuar seksualisht.
I dyshuar për ngjarjen është Arben Beqiri, 50 vjeç, banues në lagjen “Çlirimi”, Elbasan.
Ai akuzohet se në lagjen “Luigj Gurakuqi”, ka goditur me sende të forta, dhe ka bërë veprime të turpshme në publik ndaj shtetases, L.M., 49 vjeçe, banuese në Elbasan.
Noa raporton se gruaja e dëmtuar dhe Beqiri as që nuk njiheshin, por ditën e djeshme, e enjte, teksa ecte në rrugë, 50-vjeçari e ka prekur në vendet intime dhe ka nisur që ta qëllojë.
49-vjeçarja ka bërë rezistencë, duke mundur të shpëtojë nga duart e të dyshuarit dhe ka kërkuar ndihmën e policisë.
Uniformat blu, pak pas ngjarjes kanë bërë arrestimin e 50-vjeçarit.
I dyshuari akuzohet për veprat penale “Plagosja e lehtë me dashje”, dhe “Ngacmimi seksual”.