Një 45-vjeçar është plagosur me thikë në Korçë paraditen e kësaj të diele. Ngjarja ka ndodhur në unazën e qytetit.
Sipas korrenspondentes së Klan News, Daniela Zisi, ngjarja ndodhi pas një konflikti mes dy personave.
Një 70-vjeçar ka goditur me thikë në këmbë një 45-vjeçar. Shkak i konfliktit dyshohet se ka qenë debati për një tokë bujqësore. I dëmtuari u dërgua në Spitalin e Korçës , ku po merr mjekim dhe ndodhet jashtë rrezikut për jetën.
/a.r
