Personi që shikoni në fotografi është 45-vjeçari Lulzim Cuku, i cili akuzohet se i mori jetën bashkëshortes së tij Manjola Cuku, 33 vjeçe, duke e qëlluar me thikë.
I shpallur në kërkim pas krimit të shënuar mesnatën mes të shtunës dhe të dielës, prej tij nuk ka gjurmë.
Çifti me origjinë nga Peshkopia ishin transferuar prej disa vitesh në zonën e Xhafzotaj në Durrës, ku kishin ngritur një shtëpi.
Ata janë prindër të tre fëmijëve, dy vajza dhe një djalë me moshë nga 2 deri në 10 vjeç, të cilët do të rriten jetim pa nënën e tyre.
Dyshohet se ngjarja e rëndë është shënuar rreth orës 23:55 të së shtunës, ka në bazë motive xhelozie.
Policia tha zyrtarisht se 45-vjeçari Lulzim Cuku, banues në Xhafzotaj, në banesën e tij, për motive të dobta ka qëlluar me thikë, bashkëshorten e tij Manjola Cuku, 33 vjeçe, e cila për pasojë gjeti vdekjen.
I dyshuari, pasi kreu krimin u largua nga banesa duke humbur gjurmët, teksa po kërkohet për veprën penale “Vrasja për shkak të marrëdhënieve familjare”.
/a.r
