Me urdhër të SPAK, është lëshuar masë sigurie për avokatin Besart Logu. Burime për Report Tv bëjnë me dije se ndaj tij është caktuar masa e sigurisë arrest shtëpie, i akuzuar për ushtrim të ndikimit të paligjshëm.
Të njëjta burime i thanë Report Tv se avokati i ka marrë 8 mijë euro klientit dhe i ka premtuar të ushtrojë ndikimin e tij për të zgjidhur një çështje. Operacioni është ende në vijim dhe oficerët e BKH-së po kryejnë disa kontrolle në terren e gjithashtu në zyrën e tij.
Avokati Logu ka edhe studion e tij ligjore ‘Logu’, ndërkohë që më herët ka qenë anëtar i Këshillit Kombëtar të PD. Ai njihet edhe për daljet e tij televizive dhe i atashuar pranë Partisë Demokratike.
Ende nuk ka detaje të tjera nga operacioni dhe se për cilën çështje i ka premtuar klientit ndikim të paligjshëm.
