Mediat britanike kanë publikuar pamjet e kapura nga kamerat e sigurisë, ku një burrë qëndron i veshur si pastrues rrugësh, pranë vendit ku u ekzekutua Flamur Beqiri. Në pamjet e publikuara autori qëndron pranë zonës ku ndodhi krimi, duke planifikuar vrasjen.
Autori i dyshuar është maskuar si pastrues i rrugëve, i veshur me maskë lateksi, syze dielli dhe rroba pune, teksa mban në dorë një grumbullues mbeturinash dhe një qese të zezë. Ai ishte në zonë për më shumë se katër orë përpara vrasjes. Beqiri, dyshohet se u vu në shënjestër për shkak të lidhjeve të tij me një rrjet suedez të krimit të organizuar si pjesë e përshkallëzimit të konflikteve me një grup rival.
Ngjarja e rëndë ka ndodhur dy vite më parë në Battersea, në jug-perëndim të Londrës, në prag të Krishtlindjeve në 2019. Flamur Beqiri u qëllua me 10 plumba, 8 nga të cilët e kapën në trup, në sy të bashkëshortes dhe fëmijës së tij.
g.kosovari
