Vasjana Postoli nuk do të jetë më prokurorja e dosjes së 42-vjeçarit Egli Progës, i cili më 10 gusht të këtij viti u rrah brutalisht për vdekje nga i riu Denis Meçe në qendër të qytetit të Pogradecit.
Burime për mediat bëjnë me dije se drejtuesi i Prokurorisë së Korçës, pas kërkesës së familjarëve ka vendosur që të largojë nga çështja e Progës prokuroren Postoli.
Familjarët e 42-vjeçarit kanë kërkuar më herët zëvendësimin e Postolit për arsye që lidhen me trajtimin e çështjes.
Mesditën e 10 gushtit Egli Proga u rrah për vdekje nga shtetasi Denis Meçe. Një ditë pas kësaj ngarje Meçe u arrestua nga blutë e Pogradecit nën akuzën për vrasje me dashje. Mirëpo, Prokuroria Vasjana Postoli në seancën për caktimin e masës së sigurisë, lehtësoi akuzën për 29-vjeçarin nga vrasje me dashje në vrasje nga pakujdesia, gjë e cila solli dhe revoltë të familjarët e Progës.
Tashmë, çështja e Egli Progës do të kalojë në dorën e një prokurori tjetër, i cili do të marrë përsipër hetimet.
/a.r
