Shërbimi për Çështjet e Brendshme dhe Ankesat arreston një punonjës të Policisë Gjyqësore.
Pas denoncimit në emisionin investigativ “Fiks Fare”, SHÇBA, arrestoi punonjësin e policisë Agron Zeka me detyrë Oficer i Policisë Gjyqësore në Komisariatin e Policisë Gramsh.
Arrestimi u bë për shkak se dyshohet se i ka kërkuar dhe i ka marrë një qytetari, 50 mijë lekë të reja, duke ushtruar presion se nëse nuk paguante do ta arrestonte.
Ngjarja në fjalë, sipas denoncimit të qytetarit, ka ndodhur në ambientet e komisariatit.
Zeka ka deklaruar se pas presionit për arrestim, i ka pranuar të paguajë shumën.
Pas verifikimeve të videos së publikuar, oficeri i Policisë Gjyqësore, Agron Zeka është vënë nën arrest nga SHÇBA dhe ndaj tij është ngritur akuza për korrupsion dhe shpërdorim detyre.
Ndërkohë ndaj tij materialet iu referuan Prokurorisë për veprime të mëtejshme./a.m.
