Presidenti i Republikës, Ilir Meta ka deklaruar se nuk ka asnjë arsye që të paragjykojë vendimet e Kuvendit, edhe nëse ky i fundit rrëzon dekretin për ligjin e Teatrit Kombëtar.
Kreu i shtetit deklaroi se Kuvendi është sovran. Ai pati edhe një mesazh për nisjen e sesionit të ri parlamentar.
I pyetur nga gazetarët për nismën e kreut të PD për vetting në politikë, Presidenti nuk dha një përgjigje, por kërkoi bashkëpunim nga politika për sfidat që përballet vendi, për të garantuar çeljen e negociatave vitin e ardhshëm
Intervista:
Gazetari: Si e komentoni shtyrjen nga Kuvendi dekretin për ligjin e Teatrit?
Meta: Kuvendi është sovran. Nuk kam asnjë koment për këtë çështje.
Gazetari: Nëse rrëzohet dekreti i Presidentit, çfarë hapash do merrni?
Meta: Nuk kam asnjë arsye të paragjykoj vendimet e kuvendit, vetem dua t’i uroj punë të mbarë
Gazetari: Si e komentoni nismen per vetting në politikë?
Meta: Nuk kam asnjë koment për këto iniciativa. Shpresoj në bashkëpunim për sfidat me të cilat duhet të përballohet politika shqiptare për të garantuar çeljen e negociatave
Javanews/a.ç
