Mozaiku i Meandrit një ndër monumentet më të bukura të kulturës prej vitesh është lënë në bodrumin e një pallati, mbuluar nga ujërat e zeza. Kryebashkiakja e Durrësit kërkon nga Ministria e Kulturës që monumenti të zhvendoset në muzeun arkeologjik.
Mozaiku i Meandrit monument kulture i kategorisë së parë është një ndër thesaret e fshehura dhe të harruara të Durrësit.
Mozaiku i Meandrit i ndërtuar me teknikën bardhë e zi i vendosur në bodrumin e pallatit i përket shekullit të parë të erës sonë.U zbulua në vitin 2005 kur u hapën themelet e pallatit 13 katësh në lagjen nr 11 të qytetit bregdetar. Për vite me radhë qendroi në bodrumin e këtij pallati i pavijueshëm nga turistët dhe i mbuluar nga ujërat e zeza.
Së fundmi pallati 13-katësh i dëmtuar nga tërmeti iu nënshtrua rikonstruksionit dhe mozaiku u pastrua nga mbeturinat, por sërish mbetet në kushte të papërshtatshme për vizitorët.Gjendjen e mozaikut e tregon e tregon inxhinieri i kompanisë që ka punuar për rikonstruksionin e pallatit.
“Gjithë pasurinë arkeologjike këtu e gjetën në një gjendje të rënduar me ujëra ë zeza . Është bërë pastrimi i gjithë zonës dhe përforcimin e objektit. Punimet që kemi bërë s’kanë prekur pasurisë arkeologjike. Kërkesa jonë është që instituti ti japë vlerën që i takon. Monument i kategorisë së parë, duhet të zhvendoset nuk i takon një pasurie kaq të madhe poshtë rrënjave të këtij objekti ekzistues” u shpreh Rudi Lulaj inxhinier.
Ndërsa kryetarja e Bashkisë së Durrësit, Emirjana Sako përmes një statusi në facebook kërkon nga Ministria e Kulturës që mozaiku i Meandrit të zhvendoset në Muzeun Arkeologjik të Durrësit në mënyrë që të vizitohet nga qytetarët dhe turistët. Ky mozaik i punuar në teknikën bardh e zi i përket shekullit të I të erës sonë dhe ka në brendësi simbolin e Meandrit ose të diellit në lëvizje. Ka formën e kryqit të thyer dhe pjesë të këtij simboli mitologjik janë dhe shenjat e rrufeve./m.j
