3.5 kilogramë kanabis janë sekuestruar nga policia ditën e sotme në Memaliaj.
Sipas policisë lënda narkotike u gjet brenda banesës së një 77 vjeçari me inicialet Sh.K, në fshatin Revisht.
Ndaj 77-vjeçarit ka filluar procedim penal në gjendje të lirë për shkak të gjendjes jo të mirë shëndetësore, dhe moshës së tij.
Materialet në ngarkim të këtij shtetasi i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje e lëndëve narkotike”.
Njoftimi i plotë i policisë:
Memaliaj.
Sekuestrohen 3.5 kg lëndë narkotike Cannabis Sattiva.
Procedohet penalisht në gjendje të lirë poseduesi i lëndës narkotike.
Në 16.08.2017, në bazë të informacioneve të marra në rrugë policore nga shërbimet e Stacionit të Policisë Memaliaj dhe seksionit të Hetimit të Narkotikëve në D.V.P. Gjirokastër, se në banesën e shtetasit Sh.K, në fshatin Revisht, Memaliaj kishte lëndë narkotike Cannabis Sattiva, nga shërbimet e policisë u krye kontroll në këtë banesë.
Nga kontrolli i ushtruar, në banesë u gjetën 3.5 kg lëndë e dyshuar narkotike Cannabis Sattiva.
Lënda narkotike u sekuestrua në cilësinë e provës materiale.
Gjithashtu filloi procedimi penal në gjendje të lirë ( për shkak të gjendjes shëndetësore dhe moshës) për shtetasin:
Sh.K, 77 vjeç, banues në fshatin Revisht, Memaliaj.
Materialet në ngarkim të këtij shtetasi i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje e lëndëve narkotike”, parashikuar nga neni 283 i Kodit Penal.
a.ç
