Thellohet bilanci i viktimave të mbytur në plazhet e vendit. Mesditën e kësaj të mërkure raportohet se është mbytur një tjetër fëmijë në plazhin e Portonovës në Zvërnec.
Raportohet se një vajzë 10 vjeçare është mbytur në det. E mitura po lahej bashkë me nënën dhe motren. Teksa po mbyteshin te treja, nena e vajzave ka kerkuar ndihme, dhe kane qene disa pushues qe i kane nxjerre ne breg. Fatkeqesisht 10 vjecarja ka nderruar jete.
Arrin kështu në katër numri i të mbyturve në plazhin e Portanovës në Zvërnec, ku vetëm një muaj më parë u mbytën tre persona, dy kushërira dhe një djalë nga Tetova i cili u përpoq të ndihmonte vajzat.
a.ç
Njoftimi i policise
Në Sallën Operative të Policisë ka ardhur një telefonatë se në vendin e quajtur ”Portanovë”, se tre shtetas të cilët ishin brenda në det kërkonin ndihmë.
Më ndihmën e pushueseve të rastit dhe të Policisë është bërë e mundur nxjerrja e tre shtetaseve nga deti, konkretisht shtetasja V.H., banuese në Kërkovë, së bashku me 2 vajzat e saj, ku njëra nga vajzat, shtetësja A.H., 10 vjeçe ka ndërruar jetë, ndërsa vajzës tjetër i është dhëna ndihma e parë mjeksore dhe ndodhet jashtë rrezikut për jetën.
Shtetësja V.H, është transportuar për të marrë ndihmë mjeksore në Spitalin Rajonal Vlorë.
Grupi hetimor ka shkuar në vendngjarje dhe po punon për zbardhjen e plotë të rrethanave të ngjarjes.
