Policia Pukës ka vënë në pranga një person, pasi ka dhunuar një 41-vjeçare në shtëpinë e saj.
Burime policore bëjnë me dije se shtetësja B. B. 41 vjeçe, banuese në Fushë-Arrëz është goditur në banesën e saj nga 27 vjeçari M. N., banues në Fushë Arrëz, i dënuar më parë për vjedhje me dhunë.
Policia ka bërë shoqërimin e të riut, i cili njihet si person me probleme të shëndetit mendor, i cili pritet të dërgohet në Spitalin Psikiatrik nr.5 Tiranë.
Materialet iu referuan Prokurorisë së Rrethit Gjyqësor Puke, për veprat penale “Dëmtime të tjera me dashje” dhe “Dhunimi i banesës” parashikuar nga neni 90 dhe 112 i Kodit Penal, në gjendje të lirë në ngarkim të shtetasit M. N.
