I dha fitoren Man.United, por Van Gaal kritikon Januzajn
Adnan Januzaj ishte heroi i Manchester United në përballjen me Aston Villën në javën e dytë të Premier Leagues, megjithatë trajneri i “djajve të kuq” nuk i kursen kritikat për 20vjecarin, që sipas holandezit e humb me lehtësi kontrollin e topit. Gjithsesi, holandezi, i cili befasoi me aktivizimin titullar të futbollistit me origjinë shqiptare tha se goli i tij ishte i mrekullueshëm. “Jam i kënaqur me golin sepse mënyra sesi Adnani shënoi ishte e mrekulleshme.
Por ai duhet të bënte më mirë, përtej faktit që arriti të shënonte. Paraqitja e tij ishte më pak e mirë se goli që realizoi. Pas kaluam në avantazh, kemi humbur shumë topa dhe nuk luajtëm ashtu sic do të kisha dashur të luanim.” Vetëm pak ditë më parë, Van Gaal, ishte shprehur se Januzaj nuk është në shitje, por duhet të luftojë fort për një vend në formacion. Ndërkohë vetë protagoisti i Villa Park u shpreh se ka nevojë për mëshumë minuta në këmbë për arritur formën optimale. “Ndihem pas shënimit të këtij goli. Nuk kam luajtur për shumë kohë, ndaj dhe forma ime fizike nuk ishte e mirë, megjithatë më lumturon fakti që shënova një gol me vlerë trepikëshi. Shpresoj të luaj në vazhdimësi dhe të shënoj sa mëshumë gola. Nuk ka patur asgjë të vërtetë në lidhje me një largim të mundshëm nga Manchesteri.
Unë jam i lumtur këtu dhe do të luftoj për një vend në formacion.” Në cdo komunikim me gazetarët, nuk mungon pyetja në lidhje me David De Gean, i cili edhe në këtë takim nuk ndodhej as në stolin e rezervave. “Kësaj pyetjeje i jap përgjigjur shumë herë, kështu që mjafton t’u ktheheni inrtevistave të mëparshme dhe do ta gjeni përgjigjjen. Nësi Manchester United nuk pranon ofertën e Realit të Madridit për shërbimet e De Geas, atëherë do të jetë i detyruar të privohet nga shërbimet e portierit spanjoll verën e ardhshme me parametër zero./Ssport
