Ministria e Drejtësisë ka çuar në Prokurori dosjen për dy punonjësit e Burgut të Peqinit të cilët miratuar lejen për Artan Koçekun.
Ky i fundit, e shfrytëzoi lejen nga burgu për të kryer një vrasje në Shkodër.
Më 17 dhjetor, Artan Koçeku vrau me armë zjarri pranë varrezave 35-vjeçarin Angjeli Shkami, për shkak të një borxhi që pashlyer.
Për ngjarjen, Ministria e Drejtësisë ka çuar në Prokurori dy punonjësit e burgut të cilët përgatitën dosjen për miratimin e lejes.
Burimet pranë Ministrisë së Drejtësisë bëjnë me dije se grupi i kontrollit të shërbimit të brendshëm i ngritur menjëherë pas ngjarjes së rëndë, konstatoi shkelje në dosjen e përgatitur nga dy punonjësit, mbi bazën e të cilës është dhënë dhe leja shpërblyese.
Artan Koceku vuante dënimin në burgun e Peqinit për veprën penale të vjedhjes me armë, ngjarje e ndodhur në vitin 2013.
a.ç
