Me vendim të gjykatës së Apelit të Vlorës është sekuestruar në Lushnjë apartamenti me vlerë 120 mijë euro në pronësi të 43 vjeçarit Julian Sulo, të njohur ndryshe si ‘Juli i Pashakos’ i dënuar më parë për veprimtari kriminale në fushën e lëndëve narkotike dhe krimeve ndaj personit.
Konfiskimi u mor si masë pas hetimit pasuror të nisur ndaj 43 vjeçarit i cili dyshohet se ka ngritur pasurinë e tij nëpërmjet veprimtarive kriminale.
Në 2021, Prokuroria e Lushnjes urdhëroi sekuestrimin e pasurive të 37 vjeçarit Julian Sulo, i cili akuzohet për “pastrim parash”.
Bëhet me dije se këtij personi i është sekuestruar shuma monetare 70.060 euro dhe automjeti tip “Porsche Cayanne”.
Por kush është Julian Sulo?
37 vjeçari është një emër i njohur për policinë, i njohur si “Juli i Pashakos”. Sulo ka qenë një nga personat e dyshuar si të përfshirë në masakrën e Lushnjes, ku u vranë Jurgen Hoxha dhe Zamir Latifi, miqtë e Laert Haxhiut, ky i fundit nipi i Aldo Bares.
Sulo u la i lirë për mungesë provash, ndërkohë që në 11 qershor të vitit 2016 u plagos në një pikë bastesh pas ndeshjes Shqipëri-Zvicër. Ai u qëlluam rreth 20 herë me thikë dhe me leva, ndërsa u la si i vdekur buzë rrugës, por u shpëtua nga një kalimtar ui rastit. Lokali në të cilin u plagos ishte në pronësi të Arjan Aliços, i njohur si një nga ushtarët e Aldo Bares, i dënuar më parë për vrasje.
Gjithashtu Julian Sulo ka qenë i akuzuar edhe për atentatin e 1 nëntorit 2019, ku mbetën të plagosur prokurori Arjan Ndoja e Aleksandër Laho dhe humbi jetën Andi Maloku. Ai i mohoi akuzat ndaj tij, duke u shprehur se nuk kishte qenë në Shqipëri kur ndodhi ngjarja.
Prokuroria ka dhënë urdhër edhe për sekuestrimin e pasurive të I.S, i afërmi i Julian Sulos, pasi ka të dhëna të mjaftueshme se pasuritë e tij zotërohen në mënyrë të tërthortë nga “Juli i Pashakos”.
/f.stafa
