Tabatha Le Grooms, 35 vjeçe, është arrestuar pasi ka sulmuar fizikisht të dashurin e saj Carlos Rodrecus Grazia, 30 vjeç, i cili kishte refuzuar të bënte seks me të.
E tronditur nga zemërimi i gruas, ka mbetur edhe mamaja e saj, e cila gjendej në shtëpi në Augusta, në Xhorxhia (SHBA) në momentin e grindjes.
Sipas gazetës britanike “Mirror”, gjithçka kishte filluar në orët e para të ditës së 24 qershorit, kur Tabatha, kishte provuar të afrohej me të dashurin e saj. Megjithatë, ngacmimet e saj e kanë lënë indiferent të riun, i cili në fillim e ka injoruar dhe pastaj ka refuzuar me bindje të bëjë seks. E zemëruar dhe e zhgënjyer, Tabatha doli nga shtëpia, shkoi në një bar dhe filloi të pijë: kur u kthye në apartament, ishte plotësisht e dehur.
Pa ndonjë motiv të dukshëm, iu vërsul Carlos, i cili në ato momente po shikonte televizor mbi divan dhe filloi t’i gërvishtë fytyrën dhe fytin, e qëlloi në kokë dhe në fund filloi ta kafshojë nga krahët.
E plagosur gjatë sulmit ka mbetur edhe mamaja e gruas, Betty Clarc, 66 vjeçe, e cila mori një grusht në syrin e majtë: në atë pikë, për t’i shpëtuar së bijës, zonja u largua me vrap dhe u mbyll me çelës në banjë, ku njoftoi dhe policinë.
Sipas raportit të agjentëve, Grooms kishte rrëfyer se kishte pirë dhe se i sulmoi të dy, duke shpjeguar motivin që e kishte acaruar: ndihej e refuzuar dhe donte të hakmerrej. Tani ndodhet në burg në kontenë Richmond dhe akuzohet për dhunë familjare dhe agresion.
