Familjarët e një të dënuari kanë bërë apel ditën e sotme në media, duke thënë se djali i tyre po vdes. I dënuar për armëmbajtje pa leje, 22-vjeçari mësohet të ketë marrë një ftohje të rëndë, ndërsa familjarët apelojnë për ndihmë.
Nëna e të denuarit është shprehur se djali i saj u dënua pasi në banesë i gjetën një armë pa leje që e kishte pasur babai i ndjerë i të dënuarit.
“Mjekët na thanë se djali nuk ka shpresë për jetën. Ka pasoja nga një ftohje të rëndë” – raporton News24 të ketë thënë nëna e Artur Meçit.
Nga ana tjetër, ajo konfirmon se të dënuarit e tjerë në shenjë proteste kanë refuzuar ushqimin.
(javanews.al / a.n)
