Kryedemokrati Lulzim Basha duket se ka vendosur t’u japë një dorë atyre që nuk arritën rezultatet e pritura prej PD-së në zgjedhjet lokale.
Sipas burimeve brenda selisë blu mësohet se Enkelejd Alibeaj, i cili humbi garën në Fier përballë Armando Subashit, është zgjedhur në krye të Departamentit të Sigurisë Kombëtare.
Po ashtu, edhe Ardian Turku që humbi përballë Qazim Sejdinit, është vendosur të drejtojë Departamentin e Pushtetit Lokal. Ish-deputeti i Elbasanit është komanduar në këtë detyrë, sikurse edhe Alibeaj që dikur ka qenë ministër i Drejtësisë. Ky i fundit prej kohësh ishte distancuar nga jeta politike, gjersa u rishfaq si kandidat për Bashkinë Fier. (javanews.al / a.n)
